Coleutivu de Baille y Música Tradicional
L’Enguedeyu ye una asociación que naz en Lada (Llangréu - Asturies) nel añu 2006, siendo heredera d'una agrupación anterior fundada en 1977. Dedicámonos a cultivar y promocionar el folclor, les tradiciones, la cultura y la música asturiana.
Nel nuesu repertoriu cuntamos con tou tipu de cantares y bailles del Principáu, d'Oriente a Occidente, qu'interpretamos dientro y fora d'España con gran variedá d'instrumentos musicales d'época.
Vistimos indumentaria tradicional, basada na utilizada ente los sieglos XVIII y principios del XX, amosando les distintes formes de vistise dependiendo de la zona, los trabayos y la clase social a la que se perteneciera. De la mesma forma faemos usu d'instrumentos musicales tradicionales tales como panderetes, panderos o castañueles, respetando de la forma más fidedigna posible la esencia orixinal de les obres.
El gran interés por tolo rellacionao cola tradición y los nuesos raigaños llevónos a planteganos la organización d'una Amuesa de Folclor. Nel añu 2009 fuimos más allá, dando un xiru y convirtiéndola nel Festival Seronda, onde tien cabida'l folclor, el teatru y distintes manifestaciones culturales, incluyendo la participación d'invitaos d'otres rexones.
La finalidá de toes les nueses actividaes ye l'espardimientu, accesu y caltenimientu de la cultura asturiana, dientro del nuesu proyectu del mesmu nome DACCA. Pretendemos que dicha cultura, nel so ampliu abanicu de posibilidaes, sía accesible para toles persones independientemente de la so etnia, cultura, edá, condición y clase social.
Para entendenos, L'Enguedeyu ye un pequenu grupu de persones que dedica parte del so tiempu a presentar de la forma más fiel posible cómo vivíen los asturianos d'antiguo. Esta pequena colección de semeyes ye una amuesa de cómo lo faemos.
Llangréu - Asturies
Llangréu - Asturies
Valle de Samuño - Llangréu - Asturies
Llangréu - Asturies
Lada - Llangréu - Asturies
Llangréu - Asturies
Uviéu - Asturies
Lada - Llangréu - Asturies
Portugal
La Felguera - Llangréu - Asturies
Llangréu - Asturies
Llangréu - Asturies
Llangréu - Asturies
Podéis atopanos nel Centru Sociocultural de Lada (Llangréu - Asturies) nel Barriu Nuevu Pilar, para más señes enfrente de la oficina de Correos, rediós.